Policia e Tiranës ka arrestuar në flagrancë dy shtetas të afërm, Elvis Lezo (42 vjeç) dhe Bujar Lezo (59 vjeç), banues në Tiranë, në kuadër të operacionit policor të koduar “Blue Punisher”. Ky operacion u finalizua pas hetimesh të kryera për disa javë me metoda proaktive, në drejtim të Prokurorisë dhe në kuadër të një procedimi penal në fushën e narkotikëve.
Shërbimet e Sektorit për Hetimin e Narkotikëve ndërhynë në banesën e të arrestuarve, në rrugën “Ali Demi”. Aty u konstatua një ambient i përshtatur për përgatitjen e tabletave të lëndës narkotike ekstazi (MDMA), me qëllim shitjen në lokalet e natës.
Gjatë kontrollit u gjetën dhe u sekuestruan në cilësinë e provës materiale 2200 tableta me lëndë të dyshuar narkotike ekstazi (MDMA) si dhe 2 celularë.
Materialet procedurale iu referuan Prokurorisë për veprime të mëtejshme. Hetimet vazhdojnë për të identifikuar persona të tjerë të mundshëm të përfshirë.
Përditësime
Policia e Shtetit zbuloi se lënda narkotike transportohej nga Italia në rrugë tokësore për të siguruar kokrra dhe pluhur ekstazi që përpunoheshin në banesë.
Operacioni 'Blue Punisher' u emërtua sipas mbishkrimit në tabletat e ekstazisë.
Elvis Lezo, me lidhje në një grup kriminal në Itali dhe precedent penal, dhe xhaxhai i tij Bujar Lezo u arrestuan.
Ekstazia shitej në lokalet e natës për 3000 lekë për tabletë. Sekuestrohen 2200 tableta.