Policia e Tiranës ka finalizuar operacionin policor të koduar “Night Clubs”, pas disa muajsh hetimesh me metoda proaktive nga Seksioni për Hetimin e Narkotikëve, në bashkëpunim me Prokurorinë e Tiranës. Operacioni synoi shpërndarjen e lëndëve narkotike në brendësi të lokaleve të natës në zonën e Ish-Bllokut.
Gjykata e Tiranës lëshoi 11 masa sigurie "arrest në burg". Nga këto, 9 masa u ekzekutuan ndaj shtetasve:
- Enis Haxhiaj, 39 vjeç;
- Akil Ndreu, 37 vjeç (administrator i barit “N’Dashni” në rrugën “Pjetër Bogdani”);
- Klevis Maqellari, 30 vjeç;
- Raul Loka, 29 vjeç;
- Endrijus Shaliu, 34 vjeç;
- Ergi Hasani, 26 vjeç;
- Migert Balla, 31 vjeç;
- Arli Gjokmeli, 36 vjeç;
- Fradjo Keli, 32 vjeç (pronar i një bar-kafeje në rrugën “Mine Peza”).
Dy shtetas të tjerë mbeten në kërkim. Gjatë periudhës hetimore, u arrestuan më parë E. L., 42 vjeç dhe B. L., 59 vjeç, të cilëve u sekuestruan 2200 tableta ekstazi (MDMA).
Gjithashtu, në flagrancë u arrestua Orges (Dritan) Jahelezi, 49 vjeç, pasi kishte thyer masën e sigurisë "arrest në shtëpi". Ai është dënuar më parë nga Gjykata e Posaçme Kundër Korrupsionit dhe Krimit të Organizuar për trafik droge.
Gjatë kontrolleve fizike dhe hetimeve u sekuestruan rreth 100 gramë kokainë, 2200 tableta ekstazi (MDMA) dhe 11 aparate celularë, si prova materiale. Këta persona dyshohen se shpërndanin doza droge të forta në ambientet e brendshme të lokaleve.
Materialet procedurale iu referuan Prokurorisë së Tiranës për veprime të mëtejshme. Hetimet vazhdojnë për kapjen e personave në kërkim dhe dokumentimin e plotë të veprimtarisë kriminale.