Policia e Kosovës realizoi një operacion taktik më 26 mars 2026 në fshatin Hajkobillë të Prishtinës, pranë vijës kufitare me Serbinë, për të parandaluar aktivitete të kundërligjshme.
Ekipet e stacionit policor për mbikëqyrje kufitare vëzhguan lëvizjen e tre traktorëve nga territori i Serbisë drejt Kosovës, rreth orës 18:00. Pas ndalimit, u konstatua një sasi e konsiderueshme druri të kontrabanduar.
Katër të dyshuar u arrestuan për vepra penale: kontrabandë me mallra, kalim i paautorizuar i vijës kufitare dhe mbajtje në pronësi, kontroll ose posedim i paautorizuar i armëve të zjarrit dhe municionit.
Me autorizim të prokurorit të shtetit u krye bastisja e një shtëpie në afërsi të kufirit, e dyshuar si pikë shfrytëzimi nga kontrabandistët, ku u gjetën armë ilegale.
Si prova materiale u sekuestruan:
- Tre traktorë me tërheqje;
- Tre pushkë gjuetie;
- Një pushkë ajrore;
- 83 fishekë të kalibreve të ndryshme.
Të dyshuarit u ndaluan për 48 orë me urdhër të prokurorit kompetent. Rasti do të trajtohet nga njësitë e Policisë së Kosovës dhe Doganës së Kosovës.