Shërbimet e Komisariatit të Policisë Sarandë arrestuan në flagrancë tetë shtetas të dyshuar për kryerjen e punimeve ndërtimi të paligjshme në një hapësirë plazhi, në lagjen nr. 1. Ngjarja ndodhi gjatë kontrolleve në zonat bregdetare për parandalimin e ndërtimeve pa leje. Objekti përbëhet nga disa struktura, një pjesë e të cilave ndodhet në ujë.
Të arrestuarit janë:
- Ylli Daci, 33 vjeç, banues në Mat;
- Emiljano Sotiri, 41 vjeç, banues në Sarandë;
- Kleanth Rakipi, 25 vjeç, banues në Sarandë;
- Bilbil Rexho, 48 vjeç, banues në Delvinë;
- Enkeiled Rrëza, 41 vjeç, banues në Lushnjë;
- Oriant Cako, 32 vjeç, banues në Sarandë;
- Oltion Bushaj, 47 vjeç, banues në Tiranë;
- Erjon Kovaçi, 42 vjeç, banues në Lezhë.
Gjithashtu, u identifikua dhe u shpall në kërkim Arjola Dhrami, 42 vjeçe, shtetase që posedon hapësirën e plazhit, për llogari të së cilës dyshohet se kryheshin punimet. Autoritetet po punojnë për kapjen e saj.
Pas veprimeve procedurale, Policia njoftoi Inspektoratin Kombëtar të Mbrojtjes së Territorit (IKMT), Inspektoratin e Mbrojtjes së Territorit (IMT) dhe Policinë Bashkiake, të cilat po kryejnë prishjen e strukturave të paligjshme. Materialet procedurale iu referuan Prokurorisë për veprime të mëtejshme.