Oficerët e karabinierëve nga stacioni i Farneto di Colombella në Itali kanë ndaluar një 18-vjeçar shqiptar të dyshuar për shpërndarje narkotikësh në rajonin e Peruxhias.
I riu u ndalua gjatë drejtimit të automjetit të tij. Pas kontrollit personal dhe të mjetit, autoritetet gjetën dhe sekuestruan 31 pako kokainë me peshë totale 94 gramë, si dhe 285 euro në para të gatshme, të ndara në kartëmonedha të vogla. Kjo shumë dyshohet se vjen nga fitimet e trafikut të paligjshëm.
Pas procedurave fillestare, 18-vjeçari u mbajt përkohësisht në qelitë e paraburgimit të Komandës së Karabinierëve Provincialë të Peruxhia, në dispozicion të autoriteteve gjyqësore. Gjatë gjykimit të shkurtuar, gjykatësi i Gjykatës së Perugias urdhëroi izolimin në banesë, duke vlerësuar provat serioze kundër tij.