Në Vlorë, policia arrestoi 24-vjeçarin Brajan Habazaj pasi ai, së bashku me dy të tjerë, mori me forcë një 20-vjeçar në një automjet dhe e dhunoi për të marrë 6000 euro.
Operacioni policor i koduar “STRIKE 2” u krye nga DVP Vlorë. Specialistët e Seksionit për Hetimin e Krimeve ndaj Personit kapën Habazajn në flagrancë në fshatin Risili. Vëllezërit Roberto Lapa dhe Leandro Kapllani (Lapa), banues po ashtu në Risili, u shpallën në kërkim.
Hetimet paraprake tregojnë se të dyshuarit e çuan viktimën në një ambient të veçuar dhe ushtruan dhunë fizike mbi të për të siguruar shumën e kërkuar. Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë për veprat penale “Rrëmbimi ose mbajtja peng e personit” dhe “Shtrëngimi me anë të kanosjes ose dhunës për dhënien e pasurisë”, të kryera në bashkëpunim.
Polici dhe prokuroria vazhdojnë punën për dokumentimin e plotë të ngjarjes dhe për kapjen e personave të shpallur në kërkim.
Përditësime
Autoritetet dyshojnë se motivi i rrëmbimit të 20-vjeçarit është borxhi. Ngjarja ndodhi mbrëmjen e kaluar në Vlorë, ku u arrestua një 24-vjeçar për rrëmbim peng.