Specialistët e Seksionit për Hetimin e Krimeve të Komisariatit të Policisë Malësi e Madhe ndaluan shtetasin Gzim Shabaj, 25 vjeç, të shpallur në kërkim.
Gjykata e Shkallës së Parë e Juridiksionit të Përgjithshëm Shkodër i caktoi masën e sigurisë arrest në burg për veprën penale kultivimi i bimëve narkotike, kryer në bashkëpunim.
Nga hetimet rezulton se Gzim Shabaj, në bashkëpunim me familjarët, ka kultivuar 1275 bimë narkotike në tokën pranë banesës së tyre, në fshatin Aliaj. Bimët u gjetën dhe u asgjësuan nga policia më 4 shtator 2025.
Materialet procedurale iu referuan Prokurorisë së Shkodrës për veprime të mëtejshme.