Operacioni policor i koduar Black 2 u finalizua pas informacioneve operative mbi qarkullimin e një personi të armatosur. Shërbimet e Forcës së Posaçme Shqiponja, në bashkëpunim me Komisariatin e Policisë Krujë, lokalizuan dhe arrestuan në flagrancë 31-vjeçarin Ted Marku, banues në Lezhë, në rrethrrotullimin e Rinasit.
Gjatë kontrollit të ushtruar në automjetin e tij, efektivët gjetën në një çantë dore një armë zjarri pistoletë dhe një krehër me municion luftarak. Arma dhe municioni u sekuestruan në cilësinë e provës materiale.
Materialet procedurale i janë përcjellë Prokurorisë pranë Gjykatës së Shkallës së Parë të Juridiksionit të Përgjithshëm Tiranë. Ndaj të arrestuarit është ngritur akuza për veprën penale "Prodhimi dhe mbajtja pa leje e armëve, armëve luftarake dhe e municionit". Autoritetet vijojnë hetimet për të zbardhur nëse i arrestuari ka lidhje me aktivitete të tjera kriminale.