Shërbimet e Komisariatit të Policisë Nr. 2, në bashkëpunim me Forcën e Posaçme Operacionale Tiranë, kanë finalizuar operacionin e koduar Gjurma, pas informacioneve të siguruara në rrugë operative. Në rrugën Perlat Rexhepi, efektivët e policisë kanë ndaluar automjetin që drejtohej nga shtetasi Denis Koni, 38 vjeç, banues në Durrës.
Gjatë kontrollit të ushtruar në automjet, në çantën marsup të drejtuesit u gjet dhe u sekuestrua në cilësinë e provës materiale një armë zjarri pistoletë. Gjithashtu, poshtë sediljes së drejtuesit u gjetën dhe u sekuestruan 23 fishekë luftarakë.
Shtetasi Denis Koni u arrestua në flagrancë dhe akuzohet për veprën penale “Mbajtja pa leje e armëve, armëve shpërthyese dhe municionit”. Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme ligjore.