Policia e Tiranës ka organizuar dhe finalizuar operacionin policor të koduar "Qëllimi", në vijim të punës për goditjen e shitjes së paligjshme të armëve të zjarrit.
Shërbimet e Seksionit për Hetimin e Trafiqeve të Paligjshme kanë ndaluar një automjet në vendin e quajtur Zona e Treshit. Në automjet ishte drejtues Irgen Mezini, 40 vjeç, banues në Kamëz, dhe pasagjer Andi Sulika, 35 vjeç, po banues në Kamëz.
Gjatë kontrollit fizik të 40-vjeçarit u gjet një armë zjarri pistoletë me municion luftarak, e cila posedohej pa leje me qëllim shitjen në atë zonë. Arma u sekuestrua si provë materiale.
Irgen Mezini u arrestua në flagrancë për posedhimin dhe shitjen e paligjshme të armës. Andi Sulika u arrestua për moskallëzim krimi, pasi shoqëronte 40-vjeçarin.
Materialet procedurale iu referuan Prokurorisë së Tiranës për veprime të mëtejshme penale.