Policia e Korçës ka finalizuar operacionin e koduar “Four”, duke identifikuar dhe arrestuar në flagrancë shtetasin L. Sh., 42 vjeç, banues në Korçë. Ai dyshohet si autori i katër rasteve të vjedhjes së automjeteve, ngjarje të ndodhura më 31 janar 2026 në qytet.
Ky shtetas rezulton i dënuar më parë për veprimtari të ngjashme kriminale. Identifikimi u bë nëpërmjet veprimeve hetimore, këqyrjes së pamjeve filmike dhe informacioneve të marra në rrugë operative.
Gjatë kontrollit në banesën e tij janë sekuestruar si prova materiale:
- një kasetofon;
- një pasaportë;
- një palë çelësa;
- një telefon iPhone 13 Pro Max;
- një sasi lekësh;
- sende të tjera.
Materialet procedurale i janë referuar Prokurorisë së Korçës për veprime të mëtejshme ligjore. Hetimet vazhdojnë për të verifikuar përfshirjen e tij në raste të tjera vjedhjesh.