Policia e Pogradecit finalizoi operacionin policor të koduar “The last fire”, duke zbardhur djegien e qëllimshme të dy automjeteve në lagjen nr. 1 të qytetit.
Ngjarjet ndodhën më 28 dhjetor 2025 dhe 26 shkurt 2026. Automjetet i përkisnin shtetasve A. M. dhe E. M..
Si rezultat i veprimeve hetimore dhe operative, u arrestua shtetasi Julian Troka, 38 vjeç, si autori i dyshuar i zjarrvënieve. Në bashkëpunim me të dyshohet se ka vepruar porositësi Eno Flamuraj, 38 vjeç, banues në Korçë, i cili u shpall në kërkim.
Gjithashtu, materialet procedurale u referuan në Prokurorinë e Korçës, ku nisi procedimi penal për shtetasin J. L., 21 vjeç, banues në Korçë, për veprën penale të moskallëzimit të krimit.
Hetimet vijojnë për sqarimin e plotë të rrethanave dhe kapjen e personit në kërkim.