Një ngjarje kriminale është shënuar mesditën e sotme në aksin rrugor Tiranë-Elbasan, ku një pasagjer ka përdorur dhunë ndaj drejtuesit të një taksie. Rreth orës 14:30, personi që udhëtonte në automjet dyshohet se ka kanosur drejtuesin me një mjet prerës (thikë), duke i marrë atij një shumë parash dhe një varëse.
Pas njoftimit të marrë, shërbimet e Policisë janë mobilizuar menjëherë duke mundësuar lokalizimin dhe neutralizimin e autorit të dyshuar. Personi ndodhet aktualisht në ambientet e komisariatit, ku po kryhen veprimet e mëtejshme procedurale. Autoritetet njoftuan se në vijim do të ketë një njoftim të plotë mbi rrethanat e ngjarjes.