Një person me inicialet D.Z. është arrestuar në Mitrovicën e Jugut me urdhër të Prokurorisë Speciale nga Policia e Kosovës – Departamenti Kundër Terrorizmit. Arrestimi ndodhi në orët e vona të së enjtes, nën dyshimin për kryerjen e veprës penale të nxitjes së përçarjes dhe mosdurimit.
Sipas dyshimeve fillestare të Prokurorisë Speciale, i dyshuari pretendohet se para disa ditësh ka përdhosur flamurin e Turqisë në një hapësirë publike në Mitrovicën e Jugut. Kjo veprimtari dyshohet se ka nxitur përçarje dhe mosdurim.
I ndaluari është mbajtur në ndalim për 48 orë. Hetimet janë në vazhdim në koordinim të ngushtë mes Prokurorisë Speciale dhe Policisë së Kosovës.