Policia e Kosovës ka arrestuar një të mitur nën dyshimin se ka therur me thikë një bashkëmoshatar në Prishtinë. Ngjarja ka ndodhur pasditen e 22 janarit 2026 në rrugën Muharrem Fejza.
Sipas njoftimit të policisë, arrestimi i të dyshuarit, një mashkull kosovar-i mitur, është bërë më 30 janar 2026. Ai dyshohet se ka sulmuar fizikisht viktimën, po ashtu një mashkull kosovar-i mitur, duke e therur me thikë. Me vendim të prokurorit, i dyshuari është dërguar në mbajtje.
Ngjarja e dytë: Të shtëna me armë
Në një rast tjetër, policia ka intervistuar një të mitur të dyshuar për përdorim të armës së zjarrit dhe përhapje të materialit në rrjetet sociale. Rasti është raportuar më 2 janar 2026, rreth orës 10:00, ndërsa intervistimi është zhvilluar më 30 janar 2026.
Me vendim të prokurorit, ky i dyshuari, një mashkull kosovar-i mitur, është liruar në procedurë të rregullt, ndërsa rasti do të trajtohet sipas legjislacionit për të miturit.