Joey Barton, ish-futbollisti anglez me karrierë te Manchester City, Newcastle United, Queens Park Rangers dhe Burnley, u arrestua së bashku me një person tjetër pas një përleshjeje në Huyton and Prescot Golf Club në Merseyside, pranë Liverpool-it.
Ngjarja ndodhi të dielën rreth orës 21:00, kur shërbimet e emergjencës u thirrën për një plagosje. Viktima pësoi lëndime në fytyrë dhe brinjë dhe u dërgua në spital për trajtim.
Policia e Merseyside-s konfirmoi se Barton, 43-vjeçar, dhe një 50-vjeçar tjetër u arrestuan për dyshimin e plagosjes së rëndë me dashje. Të dy janë në paraburgim dhe do të merren në pyetje.
Hetimet e para nuk përjashtojnë mundësinë që Barton të ketë vepruar në vetëmbrojtje, pasi dyshohet se u kërcënua me armë nga personi tjetër. Autoritetet po verifikojnë dinamikën e konfliktit, motivet e të cilit ende nuk dihen.
Kjo nuk është hera e parë për Barton-in në probleme ligjore. Ai ka kaluar 77 ditë në burg për rrahje të dhunshme ndaj një të riu dhe ka pasur incidente të tjera gjatë karrierës si lojtar, trajner dhe komentator.
Përditësime
Merseyside Police ka konfirmuar se akuzat zyrtare për sulm kundër Joey Barton u ngritën sot.