Futbollisti 31-vjeçar Raheem Sterling është ndaluar nga autoritetet policore në Angli të enjten, rreth orës 09:00, pas një aksidenti rrugor. Automjeti i tij tip Lamborghini është përplasur me barrierat anësore në autostradën M3, pranë Minley Interchange në Hampshire. Sipas njoftimit zyrtar, në incident nuk ka pasur persona të lënduar dhe nuk ka qenë i përfshirë asnjë automjet tjetër.
Ndaj Sterling rëndojnë dyshime për disa shkelje të rënda, të cilat përfshijnë:
• Drejtimin e automjetit në gjendje të papërshtatshme për shkak të drogës
• Drejtim të rrezikshëm të automjetit
• Posedim të një substance të klasës C
• Refuzim për të dhënë mostër për testim
Lojtari, i cili ka pasur një karrierë të gjatë në Premier League me klube si Liverpool, Manchester City, Chelsea dhe Arsenal, u lirua me kusht nga policia ndërsa procedurat hetimore vijojnë. Aktualisht, Sterling është pjesë e klubit holandez Feyenoord, ku u transferua në muajin shkurt të këtij viti. Në karrierën e tij ndërkombëtare, ai numëron 82 paraqitje dhe 20 gola me fanellën e kombëtares së Anglisë.
Përditësime
Gjatë kontrollit të automjetit të futbollistit Raheem Sterling, pas një aksidenti në Angli, autoritetet gjetën lëndë të 'Klasit C', përfshirë steroide anabolike, benzodiazepina dhe oksid azoti. Menaxhmenti i lojtarit dhe klubi i Feyenoord-it ende nuk kanë bërë deklarata zyrtare lidhur me rastin.
Futbollisti Raheem Sterling ka shkëputur përfundimisht kontratën me Chelsea, pasi u largua nga planet e trajnerit Enzo Maresca dhe pas huazimit të pasuksesshëm te Arsenal gjatë sezonit 2024-25. Aktualisht, Sterling luan për Feyenoord, ku ka regjistruar 8 paraqitje në Eredivisie për sezonin 2025-26.