Shtetasi Jetmir Pepa, i shpallur ne kerkim ne kuader te nje operacioni te gjere kunder trafikut nderkombetar te droges, eshte arrestuar ne Dubai. Operacioni i Prokurorise se Posacme Kundër Korrupsionit dhe Krimit te Organizuar (SPAK) kishte leshuar me heret 11 masa sigurie per anetaret e ketij grupi kriminal.
Sipas hetimeve te SPAK, grupi dyshohet se ka trafikuar 7.5 tone kokaine nga Amerika Latine drejt vendeve evropiane. Ne kuader te veprimeve procedurale, organet e drejtesise kane sekuestruar 232 pasuri te paluajtshme dhe biznese me vlere 12 milione euro, te cilat dyshohet se jane produkt i aktivitetit te paligjshem dhe jane perdorur per pastrimin e parave.
Në listen e aseteve te sekuestruara perfshihen edhe 33.3% e aksioneve te hidrocentralit HEC ARSTI ne Fierzë. Ky hidrocentral operon me nje kontrate 35-vjecare dhe rezulton te jete nje aset fitimprures, me te ardhura vjetore mbi 140 milione leke. Per vitin 2024, ky subjekt ka raportuar nje fitim prej rreth 92 milione lekesh. Aksioneret e ketij hidrocentrali jane kompanite Pepa Group me 33.3% te kuotave, Shpresa-AL me 33.4% dhe Marceli sh.p.k me 33.3%.
Arrestimi i Jetmir Pepes eshte rezultat i bashkepunimit midis autoriteteve shqiptare dhe atyre te Emirateve te Bashkuara Arabe. Ne vijim pritet nisja e procedurave per ekstradimin e tij drejt Shqiperise, ku do te perballet me akuzat e ngritura nga SPAK.