Inspektorati Policor i Kosovës (IPK) arrestoi të enjten, më 16 prill 2026, në flagrancë një zyrtar policor nga Stacioni Policor në Shtërpcë, në kuadër të Drejtorisë Rajonale të Policisë në Ferizaj.
Operacioni u zhvillua me autorizim të Prokurorisë Themelore në Ferizaj, duke përdorur masa të fshehta hetimore dhe simulim korrupsioni.
I dyshuari, Edison Limani, pranoi një shumë prej 2.000 euro, e cila dyshohet të jetë pjesë e një shume më të madhe në lidhje me veprën penale "Organizim i skemave piramidale dhe bixhozit të paligjshëm", sipas nenit 294 të Kodit Penal të Republikës së Kosovës.
Me vendim të prokurorit të rastit, ai u dërgua në mbajtje për 48 orë.
Hetimet janë në vazhdim për zbardhjen e plotë të rrethanave.