Inspektorati Policor i Kosovës (IPK), respektivisht hetuesit e Departamentit të Hetimeve, arrestuan të shtunën një zyrtar policor me dyshimin se ka kryer veprën penale Ngacmim.
IPK-ja pranoi informacione nga ankuesja, e cila denoncoi veprimet e kundërligjshme të zyrtarit. Hetuesit, në koordinim me prokurorinë, ndërmorën veprime hetimore që çuan në arrestimin e të dyshuarit.
Prokurori kompetent caktoi masën e ndalimit për 48 orë. Hetuesit do të vazhdojnë veprimet hetimore në bashkëpunim me Prokurorinë e Shtetit për sqarimin e plotë të rrethanave.