Policia Kufitare e Morinës, në bashkëpunim me Drejtorinë Vendore të Policisë Kukës, arrestoi në flagrancë shtetasin H. M., 33 vjeç, banues në Prizren të Kosovës. Ngjarja ndodhi gjatë verifikimeve dhe kontrolleve të detajuara në hyrje të Republikës së Shqipërisë, në bazë të analizës së riskut dhe punës operative.
Gjatë kontrollit fizik në vijë të dytë, 33-vjeçarit iu gjetën me vete 101 gramë lëndë e dyshuar narkotike cannabis sativa. Ai u arrestua për tentativë trafiku lënde narkotike drejt Shqipërisë.
Si provë materiale u sekuestruan sasia e lënde narkotike dhe automjeti që drejtonte i arrestuari.
Materialet procedurale iu referuan Prokurorisë së Kukësit për veprime të mëtejshme.