Zyrtarë të Njësitit të Hetimeve të Përgjithshme të Rajonit të Prishtinës kanë arrestuar më 15 janar 2026 në Podujevë një person të dyshuar për veprën penale të falsifikimit të dokumenteve.
I dyshuari, i identifikuar si A.B., mashkull, dyshohet se duke përdorur një vulë jozyrtare ka falsifikuar dokumente për regjistrimin e së paku një automjeti.
Me urdhër të prokurorit kompetent, policia ka kryer kontroll në zyrën e tij, një agjenci sigurimi, ku ka gjetur dhe sekuestruar vulën si dhe disa prova materiale të ndërlidhura me rastin.
Pas intervistimit, me vendim të prokurorit, i dyshuari A.B. është dërguar në mbajtje.