Policia e Kosovës ka arrestuar një person të kërkuar me urdhër arresti ndërkombëtar nga autoritetet gjermane.
Drejtoria për Bashkëpunim Ndërkombëtar Policor (DBNP), përmes njësitit të saj FAST, në bashkëpunim me njësitë e tjera policore, identifikoi dhe arrestoi të dyshuarin më 19.01.2026, rreth orës 20:30, në Prishtinë. Ai kërkohej për dyshimin e kryerjes së veprës penale "Vrasje në tentativë".
Pas arrestimit, bazuar në urdhër të Prokurorit Kujdestar, i dyshuari u dërgua në ndalim policor për 48 orë, për të vazhduar procedurat e mëtejme ligjore sipas legjislacionit në fuqi.
Policia e Kosovës thekson përkushtimin ndaj bashkëpunimit ndërkombëtar policor dhe zbatimit të ligjit për garantimin e rendit dhe sigurisë publike.