Pas një procesi hetimor, Policia e Kosovës njoftoi se ka arrestuar një person të dyshuar për kanosje ndaj ministrit të Punëve të Brendshme, Xhelal Sveçla. Sipas raportit zyrtar, vepra penale dyshohet të jetë kryer përmes rrjeteve sociale më 9 nëntor 2025.
Arrestimi i të dyshuarit u krye më 7 korrik 2026 në Prishtinë. Me vendim të prokurorit të çështjes, i dyshuari është dërguar në mbajtje për procedurat e mëtejshme ligjore. Hetimet në lidhje me këtë rast janë duke vazhduar për zbardhjen e plotë të rrethanave.
Përditësime
Me urdhër të Prokurorit të Shtetit, është ndaluar për 48 orë i dyshuari për kanosjen e ministrit Xhelal Sveçla. Rasti, që ka ndodhur më 09.11.2025 në orën 16:56, po trajtohet si vepër penale 'Kanosje', sipas nenit 181 të Kodit Penal.