Policia në Prishtinë ka arrestuar një shtetas mashkull i Republikës së Shqipërisë për dyshimin e kryerjes së veprës penale të mashtrimit kompjuterik.
Ngjarja u raportua të mërkurën, me arrestimin e kryer rreth orës 18:00, sipas njoftimit zyrtar të policisë.
Gjatë veprimeve hetimore u sekuestruan pesë llaptopë, katër telefona mobilë dhe disa pajisje të tjera që dyshohet se janë përdorur në kryerjen e veprës.
Me vendim të prokurorit kompetent, i dyshuari është dërguar në mbajtje për procedurën e mëtejshme hetimore.