Policia e Kosovës ka arrestuar një shtetas të Serbisë në pikëkalimin kufitar në Jarinjë, nën dyshimin për veprën penale të dhënies së ryshfetit. Ngjarja është shënuar më 3 shtator 2026, rreth orës 09:35.
Sipas raportit zyrtar të Policisë së Kosovës, i dyshuari ka kërkuar nga zyrtari policor kufitar lejimin e hyrjes së vajzës së tij në territorin e Kosovës, duke i ofruar atij shumën prej 10 eurosh si ryshfet. Pas kryerjes së veprimeve hetimore, me vendim të prokurorit, i dyshuari është dërguar në mbajtje.