Ashley Cole, ish-mbrojtës i Chelsea-s dhe kombëtares angleze, pritet të marrë drejtimin e Cesena-s në Serinë B italiane. Drejtuesit e klubit kanë arritur akordin me të pas largimit të trajnerit të mëparshëm Michele Mignani.
Skuadra e Cesena-s numëron në radhët e saj sulmuesin e kombëtares shqiptare Kristian Shpendi. Emërimi i Cole-s shënon hapin e parë të tij si trajner kryesor në karrierë.
Deri tani, Cole ka punuar si ndihmëstrajner në ekipe të nivelit të lartë të futbollit anglez, duke grumbulluar përvojë pranë stafeve teknike. Klubi italian sheh në të një mundësi për zhvillim të skuadrës.