Atalanta ka mposhtur Juventusin me rezultat 3-0 në ndeshjen e çerekfinales së Coppa Italia, duke siguruar kualifikimin në gjysmëfinale.
Ndeshja u zhvillua në Bergamo, ku skuadra shtëpiake dominoi. Gianluca Scamacca shënoi golin e parë në minutën 27 nga penalltia. Në pjesën e dytë, Kamaldeen Sulemana rriti diferencën në minutën 77, ndërsa Mario Pašalić vulosi fitoren në minutën 85.
Qendërmbrojtësi shqiptar Berat Djimsiti ishte titullar te Atalanta dhe luajti 90 minuta të plota, duke kontribuar në mbrojtjen solide që neutralizoi sulmin e Juventusit.
Për kundërshtarin, reprezentuesi i Kosovës Edon Zhegrova u inkuadrua në lojë në minutën 80, por nuk arriti të ndikojë në rezultat.
Në gjysmëfinale, Atalanta do të përballet me fituesin e ndeshjes midis Bolognës dhe Lazios. Bologna është fituese në fuqi e Kupës së Italisë.