Avokati Taulant Hodaj ka njoftuar se do të ndërmarrë veprime ligjore ndaj deputetëve të Kuvendit të Kosovës që nuk marrin pjesë në seancën për votimin e Presidentit. Këtë qëndrim ai e ka shprehur gjatë një debati në emisionin "Politiko" në Kanal 10.
Sipas Hodaj, mungesa e deputetëve në procesin e zgjedhjes së kreut të shtetit sjell dëme financiare të konsiderueshme. Ai ka deklaruar se shteti rrezikon të humbasë rreth 100 milionë euro për shkak të kësaj situate. Për këto arsye, avokati ka paralajmëruar ushtrimin e padive civile ndaj çdo deputeti që nuk paraqitet në seancë, me argumentin se qytetarët duhet të dëmshpërblehen për dëmin e shkaktuar nga këto veprime.