Trajneri i Barcelonës, Hansi Flick, mori lajmin për vdekjen e babait të tij disa orë para ndeshjes El Clasico kundër Real Madridit, e cila zhvillohet në Camp Nou në orën 21:00 të dielës.
Klubi katalanas bëri të ditur se Flick ka njoftuar lojtarët dhe bordin këtë mëngjes, por do të vazhdojë ta udhëheqë ekipin pavarësisht dhimbjes. Në një deklaratë zyrtare, Barcelona shkroi: “E gjithë familja blaugrana dëshiron t’i përcjellë Hansi Flick-ut dashurinë tonë për vdekjen e babait të tij. Ne ndajmë dhimbjen tuaj dhe e shoqërojmë atë në këtë moment kaq të vështirë për të dhe familjen e tij”.
Edhe klubi Real Madrid shprehu ngushëllimet: “Real Madrid, Presidenti i klubit dhe Bordi i Drejtorëve, shprehin keqardhje për ndarjen nga jeta të babait të Hansi Flick-ut, trajnerit të Barcelonës. Real Madrid shpreh ngushëllime ndaj gjithë familjes së tij dhe më të dashurve. Pusho në paqe”.
Barcelona kryeson La Ligën me 11 pikë avantazh ndaj Real Madridit, kur kanë mbetur katër xhiro deri në fund. Një barazim në këtë ndeshje do ta shpallë kampione katalanasit.
Përditësime
Hansi Flick, 61-vjeçar, fitoi La Ligën dhe Kupën e Mbretit në sezonin e parë te Barcelona. Ai ka qenë faktor kyç në ringritjen e klubit pavarësisht problemeve financiare. Nëse Barcelona mund Real Madridin në El Clásico, sigurojnë titullin e dytë me radhazi në La Liga.