Tragjedia ndodhi në mbrëmjen e së dielës, kur dy viktimat ranë në kontakt me rrymën elektrike ndërsa po pastronin automjetin e tyre. Pas njoftimit të marrë rreth orës 20:40 nga Qendra Kryesore e Mjekësisë Familjare (QKMF) në Deçan, ekipet policore mbërritën në vendin e ngjarjes për të kryer hetimet e nevojshme.
Zëdhënësi i Policisë së Kosovës për rajonin e Pejës, Driton Rugova, konfirmoi se rasti po trajtohet si "Hetim i vdekjes". Me urdhër të prokurorit të shtetit, trupat e viktimave janë dërguar në Institutin e Mjekësisë Ligjore në Prishtinë për t'iu nënshtruar obduksionit, procedurë kjo që do të sqarojë rrethanat e plota të kësaj ngjarjeje.
Ngjarja ka shkaktuar reagime dhe pikëllim në komunitet. Kryetari i Komunës së Deçanit, Rasim Selmanaj, ka shprehur ngushëllimet e tij për familjen Mustafaj, duke e vlerësuar këtë humb këtë humbje si një ngjarje tepër të rëndë për banorët e zonës.