Një incident ka ndodhur mesditën e së enjtes në Deçan, ku dyshohet se i biri ka goditur babanë e tij me sëpatë. Viktima ka marrë lëndime serioze dhe është dërguar për trajtim mjekësor.
Viktima fillimisht është trajtuar në Qendrën e Mjekësisë Familjare në Deçan dhe më pas është udhëzuar për kujdes të mëtejshëm në Pejë. Prokurorja e shtetit ka kontaktuar viktimën në spital dhe është njoftuar për lëndimet.
Zëdhënësi i Policisë për rajonin e Pejës, Fadil Gashi, ka dhënë detaje për lajmi.net. "Policia ka dalë në vendin e ngjarjes për sigurim. Pas trajtimit në QMF, viktima është udhëzuar për në Pejë. Është edhe prokurorja e shtetit që ka kontaktuar viktimën aty dhe është njoftuar me lëndimet. Është urdhëruar rasti të trajtohet nga sektori i hetimeve rajonale për krimet serioze. Nuk ka ende person të arrestuar", ka deklaruar Gashi.
Autoritetet po punojnë për zbardhjen e rrethanave të incidentit. Hetimet janë në zhvillim nga policia rajonale.