Një ngjarje e rëndë ka ndodhur të premten, më 20 shkurt 2026, rreth orës 19:30, në qytetin e Gjilanit, ku një i mitur ka goditur babanë e tij me sëpatë.
Sipas njoftimit të Policisë së Kosovës, një mashkull kosovar është sjellë me urgjencë në Spitalin Rajonal të Gjilanit për lëndime trupore të rënda nga goditja me sëpatë. Pas ekzaminimeve fillestare mjekësore, për shkak të gjendjes së rëndë shëndetësore, viktima është transportuar në Qendrën Klinike Universitare të Kosovës për trajtim të mëtejshëm.
Në vendin e ngjarjes kanë mbërritur njësitë policore dhe një përfaqësues i Qendrës për Punë Sociale. Ky përfaqësues është marrë me personin e mitur, ndërsa një punëtor social ka kryer vlerësimin fillestar të fëmijës.
Vlerësimi ka konstatuar nevojë emergjente për strehimin e miturit për shkak të gjendjes së rënduar psikologjike dhe situatës traumatike të shkaktuar nga ngjarja. Policia e ka cilësuar rastin si vrasje e rëndë në tentativë dhe po e heton atë.