Barcelona ka arritur marrëveshje me trajnerin Hansi Flick për vazhdimin e bashkëpunimit. Sipas Mundo Deportivo, kontrata rinovohet deri në vitin 2028, me një opsion për zgjatje njëvjeçare deri në 2029, që kërkon dakordësinë e të dy palëve.
Trajneri gjerman pritet ta nënshkruajë kontratën e re pasi skuadra të sigurojë titullin e La Liga-s. Kjo mund të ndodhë këtë fundjavë, nëse Barcelona e mposht Osasunën dhe Real Madridit humb pikë në ndeshjen ndaj Espanyolit.
Agjenti i Flickut, Pini Zahavi, do të zhvillojë një takim me drejtuesit e Barcelonës javën e ardhshme për të finalizuar detajet. Në të njëjtin takim, ai do të diskutojë edhe të ardhmen e sulmuesit Robert Lewandowski.
Hansi Flick mori drejtimin e Barcelonës në verën e 2024-ës pas largimit të Xavi Hernandezit. Në dy sezone, skuadra ka fituar katër trofe dhe është pranë të pestit me titullin e La Liga-s për herë të dytë radhazi. Barcelona u eliminua nga Atletico Madridi në Ligën e Kampionëve dhe Kupën e Mbretit këtë edicion.
Reputacioni i Flickut është në kulm brenda klubit. Presidenti Joan Laporta e admirton tej mase dhe e ka sinjalizuar synimin për rinovim. Vetë trajneri ka deklaruar se Barcelona do të jetë klubi i fundit në karrierën e tij.