Pas konfirmimit të Joan Laportës si president i Barcelonës, vëmendja është zhvendosur te e ardhmja e trajnerit Hansi Flick. Tekniku gjerman mori drejtimin e skuadrës në vitin 2024, me një kontratë që skadon në 2027.
Laporta deklaroi se diskutimet për rinovimin nuk janë të nevojshme tani. Ai premtoi se çështja do të trajtohet me qetësi në fund të këtij sezoni. "Gjithçka është e vendosur kohë më parë, por mbeten për t’u formalizuar detajet dhe kohëzgjatja", u shpreh presidenti i klubit.
Sipas burimeve pranë Barcelonës, kjo qasje vjen edhe si zgjedhje e vetë Flick-ut, për të mbajtur ambientin të qetë në një moment vendimtar. Skuadra ndodhet në krye të La Ligës dhe ka arritur në fazën çerekfinale të Champions League, ku do të përballet me Atleticon e Madridit.
Ky zhvillim vjen pas mbylljes së çështjes së presidencës, ku Laporta u konfirmua në krye të klubit. Pritet që performanca sportive të përcaktojë hapat e ardhshëm për projektin e katalanasve.