Barcelona po konsideron tre alternativa të lira për Julian Alvarezin, mes të cilave përfshihet edhe kosovari Fisnik Asllani.
Klubi katalanas kërkon një pasardhës afatgjatë për Robert Lewandowskin para merkatos verore. Interesi për Alvarezin, lojtar kyç te Atletico Madridi në projektin e Diego Simeones, është i njohur. Megjithatë, një transferim do të kushtonte mbi 100 milionë euro, çka e bën të vështirë për situatën financiare të Barcelonës.
Sipas Barça Universal-it, cituar nga OneFootball, klubi po mendon opsione më të përballueshme. Fisnik Asllani, 23-vjeçari te Hoffenheimi, ka shënuar 9 gola dhe 8 asistime në 28 ndeshje këtë sezon. Edhe pse këto shifra nuk janë tipike për nivelin e Barcelonës, profili i tij tregon potencial zhvillimi në një sistem dominues nën trajnerin Hansi Flick. Vlera e tij llogaritet rreth 30 milionë euro.