Gazment Bardhi, kryetari i Grupit Parlamentar të Partisë Demokratike, dhe deputetja Jorida Tabaku zhvilluan takime në Senatin Italian gjatë vizitës zyrtare në Romë më 21-22 prill 2026.
Ata u takuan me Giuliomaria Terzi di Sant’Agata, kryetar i Komisionit për Çështjet Europiane, dhe me Maurizio Gasparri, kryetar i Komisionit për Punët e Jashtme dhe Mbrojtjen.
Deputetët i njoftuan senatorët italianë për zhvillimet në Shqipëri dhe shprehën qëndrimin e palëkundur pro integrimit europian.
Sipas tyre, Partia Demokratike është e vendosur të bëjë gjithçka për të çuar përpara këtë proces, duke insistuar se ai duhet të bazohet në meritë dhe në përmbushjen reale të standardeve europiane.
Bardhi deklaroi se Shqipëria nuk i përmbush aktualisht këto standarde, pasi mazhoranca ka zhbërë shtyllat e shtetit demokratik.
Ata akuzuan mazhorancën se mbron krimin e organizuar dhe korrupsionin, pengon zgjedhjet e lira, zhbën parlamentarizmin, mosrespekton vendimet e gjykatave dhe e kthen vendin në një republikë që funksionon me urdhra të kryeministrit, jo sipas ligjit dhe Kushtetutës.
Këto veprime, sipas deputetëve të PD-së, po minojnë besimin dhe progresin e nevojshëm të Shqipërisë drejt Bashkimit Europian.