Një rast dhune në familje u raportua më 17 mars 2026 rreth orës 10:00 në Pejë.
Sipas raportit të Policisë së Kosovës, një bashkëshort kosovar ka njoftuar autoritetet se bashkëshortja e tij dyshohet se prej një kohe të gjatë ka ushtruar dhunë fizike ndaj fëmijës së tyre.
Ankuesi ka dorëzuar video-incizime dhe mesazhe si dëshmi në lidhje me rastin.
E dyshuara u intervistua nga policia. Pas intervistimit, me urdhër të prokurorit kompetent, ajo u lirua në procedurë të rregullt.
Rasti është duke u hetuar nga autoritetet përkatëse.
Përditësime
Shkodran Nikçi, zëdhënës i Prokurorisë së Pejës, deklaroi se bashkëshortja i dërgoi burrit videoincizime ku ajo kërcënon të vrasë fëmijën.
Prokuroria ka hapur raste penale të veçanta ndaj të dy prindërve për 'dhunë në familje'.
- Vazhdon koordinimi mes prokurorisë dhe policisë për hetim.