Gjatë mbledhjes së fundit të Këshillit Bashkiak, u miratua projektvendimi që zgjeron programin e rindërtimit, duke siguruar trajtim të barabartë për të gjitha familjet e dëmtuara. Sipas kryetares së komanduar të Bashkisë së Tiranës, Anuela Ristani, ky numër mund të pësojë ndryshime në të ardhmen, bazuar në akte administrative, vendime gjyqësore apo konkluzione të Institutit të Ndërtimit.
Sipas të dhënave zyrtare, shpërndarja e 375 përfituesve sipas njësive administrative është si më poshtë:
• Njësia Administrative nr. 8: 140 familje
• Njësia Administrative nr. 6: 77 familje
• Njësia Administrative nr. 4: 53 familje
• Njësia Administrative Krrabë: 28 familje
• Njësia Administrative nr. 11: 25 familje
• Njësia Administrative nr. 9: 24 familje
• Njësia Administrative nr. 5: 14 familje
• Njësia Administrative nr. 2: 4 familje
• Njësia Administrative nr. 3: 4 familje
• Njësia Administrative Dajt: 4 familje
• Njësia Administrative Kashar: 2 familje
Ky vendim i jep fund një problematike të mbartur, duke u mundësuar këtyre familjeve të përfitojnë nga programi i strehimit me të njëjtat kushte si qytetarët që aplikuan brenda afateve të përcaktuara në platformën zyrtare.