Bayern Munich pret Paris Saint-Germain në Allianz Arena të Mynihut sonte në orën 21:00, në ndeshjen e kthimit të gjysmëfinales së Ligës së Kampionëve. Francezët udhëheqin me 5-4 pas një spektakli me 9 gola në takimin e parë në Paris, rekord për një gjysmëfinale të kësaj gare.
Në ndeshjen e parë, Ousmane Dembélé dhe Khvicha Kvaratskhelia shënuan nga dy gola për PSG-në, ndërsa Joao Neves plotësoi triumfin parizien. Bayern-i u rikthye nga 5-2 në 5-4 me golat e Harry Kane-s, Michael Olise-s, Dayot Upamecano-s dhe Luis Diaz-it, duke mbajtur gjithçka të hapur.
Bayern-i, i drejtuar nga Vincent Kompany, ka seri prej 5 fitoresh radhazi dhe rekord të fortë shtëpiak: 23 fitore, 5 barazime dhe 1 humbje në 29 ndeshjet e fundit të Champions-it në Allianz Arena. Ky sezon kanë fituar 6 ndeshje eliminatore, duke shënuar nga 4 gola në secilën.
PSG, kampion në fuqi dhe i drejtuar nga Luis Enrique, ka 4 fitore dhe 1 humbje në 5 ndeshjet e fundit, 13 fitore në 16 eliminatore të fundit dhe 43 gola këtë sezoni, më shumë se çdo skuadër tjetër. Synojnë të bëhen skuadra e parë franceze me tre finale në këtë garë dhe fitore të tretë radhazi ndaj gjermanëve.
Historikisht, Bayern-i dominon kundërshtarët francezë me 14 fitore në 17 ndeshjet e fundit, duke përfshirë 5 triumfe radhazi ndaj PSG-së para humbjes së parë. PSG ka avancuar në 14 nga 17 ndeshje evropiane ku fitoi të parën me një gol diferencë.
Lojtarët kryesorë përfshijnë Harry Kane-n me 17 gola në 16 ndeshje të fundit të Champions-it dhe Kvaratskhelia-n me 10 gola këtë sezon, duke barazuar rekordin e Zlatan Ibrahimović-it.
Përditësime
Vincent Kompany dhe Luis Enrique konfirmuan se do të luajnë stilin e tyre ofensiv pa ndryshime taktike në gjysmëfinalen e kthimit.
Bayern Munich:
- Konrad Laimer mund të luajë në krahun e majtë në vend të Alphonso Davies.
- Serge Gnabry dëmtuar, sezoni i mbyllur.
- Vetëm 1 fitore në 8 ndeshje evropiane ku ka humbur ndeshjen e parë me 1 gol; nuk ka kaluar 5 gjysmëfinalet e fundit kur ka humbur të parën.
PSG:
- Achraf Hakimi mungon për problem muskular.
- Zaïre-Emery pritet si mbrojtës i djathtë, Fabian Ruiz në mesfushë.
PSG fitoi titullin e parë në UCL kundër Inter-it 5-0 në finale një vit më parë (31 maj).
Vincent Kompany paralajmëroi se 'Në këtë nivel, çdo detaj e bën diferencën. Duhet të jemi perfektë.'
Luis Enrique deklaroi se 'E respektojmë Bayernin, por i kemi cilësinë për t’i mposhtur' dhe e quajti Bayernin 'skuadrën më të fortë në karrierën time', me rivalitet si Djokovic-Federer.
Zhvillime të reja:
- Formacionet e mundshme: Bayern (Neuer; Stanisic, Upamecano, Tah, Laimer; Kimmich, Pavlovic; Diaz, Musiala, Olise; Kane); PSG (Safonov; Zaire-Emery, Marquinhos, Pacho, Mendes; Neves, Vitinha, Ruiz; Doue, Kvaratskhelia, Dembele).
- Lëndime të reja: Bayern - Kiala, Cardozo; PSG - Chevalier, Ndjatou.
- Arbitër: Joao Pinheiro.
- Bayern eliminoi Real Madrid-in në çerekfinale.
- Olise, Kane dhe Diaz shënuan mbi 100 gola së bashku.
Bayern Munich dhe PSG kanë konfirmuar formacionet zyrtare për gjysmëfinalen e kthimit të Champions League.
Bayern: Neuer, Stanisic, Upamecano, Tah, Laimer, Pavlovic, Kimmich, Diaz, Musiala, Olise, Kane.
PSG: Safonov, Zaire-Emery, Marquinhos, Pacho, Mendes, Neves, Vitinha, Ruiz, Doué, Dembélé, Kvaratskhelia.
Kjo është përballja e 17-të historike mes tyre (Bayern 9 fitore, PSG 7).
Nëse kalojnë, finalja kundër Arsenalit më 30 maj në Budapest, ora 18:00.
PSG barazoi 1-1 me Bayern Munich në gjysmëfinalen e kthimit të Champions League, duke u kualifikuar me agregatin 6-5 për finalen kundër Arsenalit më 30 maj në Budapest.
Ousmane Dembélé shënoi në minutën 3 (asist nga Khvicha Kvaratskhelia).
Harry Kane barazoi në minutën 90+4.
Bayern kërkoi penallti për prekje dore nga Joao Neves dhe karton të kuq për Nuno Mendes, të refuzuara nga arbitri.