Bedri Hamza, kryetar i Partisë Demokratike të Kosovës (PDK), ka nënshkruar më 16 mars 2026 peticionin kombëtar në mbështetje të krerëve të Ushtrisë Çlirimtare të Kosovës (UÇK) që gjykohet në Dhomat e Specializuara në Hagë.
Në një postim në Facebook, Hamza e ka cilësuar këtë si detyrë të secilit qytetar për të qëndruar pranë atyre që kontribuan për lirinë dhe shtetin e Kosovës. Peticioni mbështet konkretisht Hashim Thaçin, ish-president, Kadri Veselin, ish-kryetar i Kuvendit, Jakup Krasniqin dhe Rexhep Selimin, si dhe bashkëluftëtarët e tyre.
"Sot e nënshkrova peticionin kombëtar në mbështetje të presidentit Thaçi, kryetarit Veseli, bacës Jakup, Rexhës dhe të gjithë bashkëluftëtarëve të tyre që po gjykohen në Hagë. Është detyrë e secilit prej nesh që t’u qëndrojë pranë atyre që kontribuan me vite të tëra për lirinë dhe shtetin tonë. Lufta çlirimtare ishte mbrojtëse, e drejtë dhe jam i bindur se drejtësia së shpejti do ta rikonfirmojë këtë", ka shkruar Hamza.
Përditësime
Bota Sot raporton se krerët e UÇK-së mbahen në Hagë tash e 5 vjet.