Kryetari i Partisë Demokratike të Kosovës dhe kandidati për kryeministër, Bedri Hamza, ka deklaruar se strukturat e partisë janë të gatshme dhe të mobilizuara për zgjedhjet e 7 qershorit dhe për sjelljen e ndryshimit në vend.
Në një postim në rrjetet sociale, Hamza ka thënë se mobilizimi i strukturave të PDK-së po shihet në çdo komunë të Kosovës. Ai ka përmendur tubimin e mbrëmshëm në Vushtrri si shembull të këtij bashkimi.
"Strukturat tona janë të gatshme dhe të mobilizuara. Sikur sonte në Vushtrri, ashtu edhe në çdo komunë tjetër, jemi të bashkuar dhe të vendosur për ta sjellë ndryshimin që kërkon Kosova", ka shkruar Hamza.
Ai ka theksuar se me qeverinë e ardhshme të PDK-së, krizat do t'i takojnë së kaluarës, ndërsa vendi do të hyjë në një etapë të re të zhvillimit, stabilitetit dhe mirëqenies për qytetarët.