Presidenti i Republikës, Bajram Begaj, ka firmosur më 16 janar 2026 disa dekrete për ndryshime në strukturat drejtuese të Forcave të Armatosura të Republikës së Shqipërisë.
Me Dekretin nr. 25, Kreu i Shtetit dekretoi lirimin e Nënadmiral Adnand Dëfrim Agastra nga detyra e Komandantit të Forcës Detare. Me Dekretin nr. 26, emëroi Kundëradmiral Arsen Burhan Mullaj në të njëjtën detyrë.
Gjithashtu, Presidenti Begaj dekretoi dhënien e gradës madhore Gjeneral Brigade për tre kolonelë:
• Razije Kadri Mehmeti, Drejtor në Drejtorinë e Bashkëpunimit Civilo-Ushtarak J-9 në Shtabin e Përgjithshëm të Forcave të Armatosura (Dekreti nr. 27);
• Fatmir Sadri Neziraj, Drejtor në Drejtorinë e Operacioneve dhe Stërvitjes J-3/7 në Shtabin e Përgjithshëm të Forcave të Armatosura (Dekreti nr. 28);
• Edmond Abaz Voci, Komandant i Qendrës së Kontroll Raportimit në Forcën Ajrore (Dekreti nr. 29).
Dekretet hyjnë në fuqi menjëherë.