Presidenti i Republikës, Bajram Begaj, dekretoi më 4 mars 2026 ndryshimet në kabinetin qeveritar të propozuara nga kryeministri Edi Rama. Këto përfshijnë gjashtë shkarkime dhe shtatë emërime të reja në dikastere kryesore.
Në dekretet e firmosura shkarkohen nga detyrat:
• Belinda Balluku, Zëvendëskryeministër dhe Ministre e Infrastrukturës dhe Energjisë;
• Elisa Spiropali, Ministre për Evropën dhe Punët e Jashtme;
• Pirro Vengu, Ministër i Mbrojtjes;
• Albana Koçiu, Ministre e Punëve të Brendshme;
• Besfort Lamallari, Ministër i Drejtësisë;
• Toni Gogu, Ministër i Shtetit për Marrëdhëniet me Parlamentin.
Belinda Balluku, Elisa Spiropali dhe Pirro Vengu largohen përfundimisht nga qeveria, ndërsa tre të tjerët zhvendosen në poste të reja. Presidenti dekretoi emërimet si vijon:
• Albana Koçiu, Zëvendëskryeministër;
• Ferit Hoxha, Ministër për Evropën dhe Punët e Jashtme;
• Besfort Lamallari, Ministër i Punëve të Brendshme;
• Ermal Nufi, Ministër i Mbrojtjes;
• Toni Gogu, Ministër i Drejtësisë;
• Enea Karakaçi, Ministër i Infrastrukturës dhe Energjisë;
• Erjona Ismaili, Ministër i Shtetit për Marrëdhëniet me Parlamentin.
Propozimet u njoftuan më 26 shkurt në mbledhjen e përbashkët të grupit parlamentar socialist me kabinetin. Enea Karakaçi drejtonte deri tani OSHEE-në, Ferit Hoxha ishte ambasador në Bashkimin Evropian, ndërsa Ermal Nufi mbante postin e zëvendëssupretarit të përgjithshëm në Kryeministri. Erjona Ismaili është deputete e Vlorës.
Sipas procedurës kushtetuese, ndryshimet kalojnë për votëbesim në Kuvend më 5 mars, ku nevojiten 71 vota për miratim. Pas kësaj, ministrat e rinj do të betohen para Presidentit Bajram Begaj.
Përditësime
Kryeministri Edi Rama u takua me Presidentin Bajram Begaj dy ditë më parë në Pallatin e Brigadave, për të paraqitur propozimet për ndryshimet në qeveri.
- Dekretet presidenciale u dërguan në Kuvend për shqyrtim.
- Kuvendi do të votojë ministrat një nga një në seancën e enjtes.
- Ceremonia e betimit zhvillohet në Presidencë.
Presidenti Bajram Begaj ka dekretojuar lirimin e Ferit Hoxhës nga detyra e ambasadorit të Shqipërisë pranë Bashkimit Evropian.
Ermal Nufi, Enea Karakaçi dhe Ferit Hoxha mbërritën në Kuvend për votëbesimin më 5 mars.
Shkarkimi i Belindës Balluku lidhet me vendimin e Gjykatës Kushtetuese, që la në fuqi pezullimin e saj nga GJKKO.
Kuvendi miratoi dekretet presidenciale për ndryshimet në 7 ministri më 5 mars, me 83 vota pro.
- 85 vota pro për Ballukun.
- 83 vota pro dhe 2 kundër për Spiropalin.
Ceremonia e betimit të ministrave të rinj është caktuar për të premten në Pallatin e Brigadave.