Kryeministri Edi Rama zhvilloi këtë të premte mbledhjen e parë të qeverisë së re në Tiranë. Në takim morën pjesë ministrat e rinj, të cilët u betuan më parë para presidentit Bajram Begaj në Pallatin e Brigadave.
Rama ndau në Facebook pamje nga takimi në tryezën e rrumbullakët, ku shkroi: «Sot në tryezën e qeverisë së re». Pranë tij shihet ministri i Financave Petrit Malaj dhe zëvendëskryeministrja Albana Koçiu, ndërsa të gjithë ministrat janë të pozicionuar rreth tryezës.
Ministrat e rinj që morën detyrat zyrtare pas betimit janë:
- Albana Koçiu – Zëvendëskryeministre;
- Ferit Hoxha – Ministër për Evropën dhe Punët e Jashtme;
- Besfort Lamallari – Ministër i Punëve të Brendshme;
- Ermal Nufi – Ministër i Mbrojtjes;
- Toni Gogu – Ministër i Drejtësisë;
- Enea Karakaçi – Ministër i Infrastrukturës dhe Energjisë;
- Erjona Ismaili – Ministër i Shtetit për Marrëdhëniet me Parlamentin.