Kryetari i Partise Demokratike, Sali Berisha, ka reaguar ashpër ndaj deklaratave te kryeministrit Edi Rama, duke e akuzuar ate per pranimin publik te perdorimit te teknologjise DPI (Deep Packet Inspection) per monitorimin e qytetareve dhe protestuesve. Berisha e cilesoi kete veprim si nje skandal dhe nje krim antikushtetues qe cenon liritë dhe te drejtat themelore.
Reagimi i opozites bazohet ne nje video te publikuar nga Berisha, ku Rama flet per sistemet e avancuara te mbrojtjes kibernetike te ndertuara nga Shqiperia per t'u mbrojtur nga sulmet, veçanerisht ato te atribueshme ndaj Iranit. Kryeministri shpjegoi se keto sisteme mundesojne monitorimin e aktivitetit ne rrjet, duke dhene shembullin se gjate nje ngjarjeje te caktuar, numri i perdoruesve te rrjeteve sociale qe lidheshin me Shqiperine ishte 5 here me i larte se mesatarja e viteve te fundit.
Sipas Berishes, deklaratat e Rames per aftesine e institucioneve per te pare aktivitetin ne rrjet provojne se keto mjete po perdoren per mbikeqyrjen e qytetareve, nje veprim qe ai e denon me forcen me te madhe.