Sali Berisha, kryetar i Partisë Demokratike, ka njoftuar protestën e radhës të opozitës për datën 12 mars në orën 10:00 para Parlamentit.
Gjatë foltores para Kryeministrisë, si çdo të hëne, Berisha u bëri thirrje shqiptarëve të mblidhen aty, ku po atë ditë do të zhvillohet seanca plenare për votimin e kërkesës së SPAK-ut për heqjen e imunitetit parlamentar të ish-zv.kryeministres Belinda Balluku.
Ai e cilësoi 12 mars-in si "dita e pranverës së demokracisë" dhe "dita e përmbysjes së madhe të narkoregjimit". Berisha deklaroi: "Më 12 mars të gjithë shqiptarët para Parlamentit. Në orën 10 e gjithë Shqipëria te Parlamenti, t’i japim përgjigjen e merituar Edi Ramës dhe bandës së tij".
Berisha akuzoi kryeministrin Edi Rama se ka mbrojtur Belinda Ballukun si dhe figura të tjera, si Taulant Balla. Ai u drejtua ndaj policëve, ushtarakëve dhe punonjësve të administratës, duke i ftuar të mos e mbështesin qeverinë, por ta denoncojnë dhe ta sabotojnë atë.
"Sabotojeni këtë regjim, denoncojeni dhe sabotojeni, ta heqim një minutë e më parë, ta hedhim në koshin e plehrave të historisë", u shpreh Berisha.
Ai u apelua mësuesve, mjekëve, inxhinierëve, ekonomistëve e juristëve të dalin nga "guaska e konformizmit" dhe të bashkohen në mobilizimin qytetar kundër regjimit.
Përditësime
Sali Berisha u bëri thirrje intelektualëve kundër heshtjes: "Heshtja juaj është mbështetja më e fuqishme për këtë regjim".
Ai ftoi intelektualët dhe të rinjtë të reagojnë.
Berisha akuzoi deputetët e "partisë së krimit" se do të përdorin Taulant Ballukun si mburojë për vjedhjet e Edi Ramës dhe qeverisë.
Ai theksoi "gabimin e pafalshëm" të konformizmit nga mësuesit, mjekët etj.
Berisha njofton protestë më 12 mars në orë 10:00 para Parlamentit.