Sali Berisha u paraqit të hënën, më 19 janar 2026, në SPAK për të zbatuar masën e detyrimit të paraqitjes periodike.
Pas largimit nga Prokuroria e Posaçme, lideri i Partisë Demokratike dha një deklaratë për mediat, ku u ndal te vendimi i Gjykatës Kushtetuese. Ai e cilësoi atë si "një seksion i organizatës së Partisë Socialiste".
Sipas Berishës, çështja e tij u trajtua pas 8 muajsh paraqitje, ndryshe nga rastet e qeveritarëve, të cilat zgjidhen brenda 2-3 javësh. Gjykata Kushtetuese, në një vendim të koduar partiak, e shpalli jokushtetues arrestin shtëpiak ndaj tij, por nuk e shfuqizoi atë.
Berisha theksoi se vendimi ka pasoja edhe sot, pasi nuk u shfuqizua plotësisht. "Pasoja e atij vendimi është fakti që unë jam sot përpara jush", u shpreh ai.
Ai përmendi gjithashtu rastin e Erjon Veliaj, duke thënë se ai u mbajt në paraburgim vetëm 2-3 javë, si shembull të trajtimit të ndryshëm.
Përditësime
Sali Berisha përmendi Belindën Balluku ("Lubi") dhe "lubitë e tjera" si përfitues nga vendimi i Gjykatës Kushtetuese (GJK). Ai shpjegoi se vendimi hap rrugën për shfuqizimin e vendimeve të tjera administrative, por jo të tijit. Berisha akuzoi gjyqtarët e GJK-së se janë "njerëz të kapur peng me dhjetëra mëkate dhe gjëra të padenja".