Sali Berisha, kryetar i Partisë Demokratike, paralajmëroi se protesta e planifikuar më 28 shkurt do të ketë forma të ndryshme nga ato të zakonshme.
Deklaratat u bënë në një prononcim për mediat pas takimit me misionin faktmbledhës të PPE-së. I pyetur nga gazetari Osman Stafa, Berisha u përgjigj:
Osman Stafa: U dakordësua për llojin e protestës, me datën 28 shkurt?
Sali Berisha: "Po dakordësohemi. Ndryshe do jetë. Ne tani kalojmë në forma të ndryshme protestash, i diversifikojmë, kemi kreativitet. Do eksplorohen forma të reja."
Sa i përket bllokimit të rrugëve si një nga format e mundshme:
Osman Stafa: Një nga format? Bllokimi i rrugëve?
Sali Berisha: "Të gjitha format janë në konsideratë dhe kjo është vetëm protestë. Ne kemi vetëm protestë. Asgjë nuk përjashtohet. Të jemi realistë. Opsionet janë të gjitha."