Trajneri shqiptar Besnik Hasi është emëruar në krye të skuadrës turke Amedspor, e cila në edicionin e ardhshëm do të debutojë në Superligën e Turqisë. Lajmi është bërë i ditur përmes një njoftimi zyrtar nga klubi, ku konfirmohet se marrëveshja është arritur për dy sezonet e ardhshme: 2026/2027 dhe 2027/2028.
Në njoftimin e tyre, klubi i Amedspor i ka shprehur mirëseardhjen trajnerit me përvojë, duke i uruar suksese në detyrën e tij të re. Për këtë pozicion, më herët ishin përfolur edhe emra të njohur si Thomas Reis, Andrea Pirlo dhe Valérien Ismaël.
Besnik Hasi vjen në këtë detyrë pas një periudhe në krye të skuadrës belge RSC Anderlecht. Gjatë karrierës së tij, 54-vjeçari ka drejtuar klube si Legia e Varshavës, Olympiacos, Al Raed, Al Ahli dhe Mechelen. Në kohën sa ishte te Anderlecht, Hasi arriti të shpallej kampion i Belgjikës në sezonin 2013/2014 dhe fitoi Superkupën e Belgjikës në sezonin 2014/2015.